August 16, 2008

• 動漫電玩節2008

  緊接著書展的動漫節，今年改名了，終於正名為「ACGHK動漫電玩節」。（噢，ACG呀……）

  
  1. 小丑扇８蚊一把，食水好深遮巴打！！
  2. Char! Char! Are You OK???
  3. 有隻手咸濕枝豆人呀！

  
  4. 今年模型比賽入面個人鍾意呢隻。魔鬼高達好有霸氣！

  
  5. [唔駛理周圍] KRAUSER先生！！！[/唔駛理周圍]（COSPLAY大賽好似得第２。）

  
  6. 脂粉黑龍。
  7. 「龍虎三皇」in RED。我覺得呢磚野整得幾靚仔嫁。
  ＊部分圖片 by 勤。

  今年對動漫節的期待遠超書展，無他，只因為太掛念舊同事。平日沒什麼機會上公司拜訪他們，只得等到動漫節，在熱鬧墟陷的氣氛下造訪造訪。

  由灣仔地鐵直奔會展，用記者證進場，一個箭步就朝他們的攤位衝過去，遠遠就看見阿勇了！我就這樣不斷大叫：「阿勇！阿勇！阿勇！」阿勇可是我最掛念的！！甚至乎去到一個超乎我自己想像的地步，動漫節前一晚，我就不斷幻想，見到阿勇就要撲過去攬住佢，哈哈！結果當然沒有這樣做啦～我只是捉住他不斷說「你知唔知我最最最最最掛住果個就係你呀！！」

  又一年動漫節，意味著我離開舊公司快一年了。說實在的，那個地方給我的，遠遠比我想像中多得太多太多了！而且，隨著日子越遠，那種懷念的感情，也越積越厚，不斷沉殿。剛進去的那時候，老世常常對我和Kenny說：「你地知唔知第一份工對你地之後既工作好緊要嫁！會影響你地以後既工作態度嫁，所以呢，我有時迫你地做呢樣個樣都係想你地試多ｄ、進取ｄ……（下刪幾百字，佢真係好長氣！）」

  當時只是「左耳入右耳出」，我始終覺得工作態度是天性使然，幾乎「江山易改，本性難易」。不過今時今日，我終於體會到所謂「第一份工的影響」。

  畢竟，那時候的日子實在太開心了。如果可以的話，真的超想多謝那一年零一個月來，公司上下所有人對我的照顧。每一位、每一個。

   

  ｐｓ：網主外出取材一星期（其實係去泰國旅行呀！），暫停更新（其實成日都唔更新嫁啦！），下星期見啦～

  • 2:32 pm
  • 4 Comments