February 1, 2009
-
自白與交替
己丑年初一晚上，天氣仍然寒冷；我忽然下了決定，個人網頁那邊不再更新了。
時代興替，一路走來，我們從ICQ到MSN，cgi到php，xanga到facebook，事物的興起與衰落，一如某些人在我們的生命裡進進出出。我懷念每一個路過的人，我紀念每一個他和她，特別是再看六、七年前自己寫的東西，雖然是如此的讓人「毛管棟」，但畢竟那個的確是我。
【自白】或者有許多事情要成為了歷史，我才有勇氣面對。
感謝路人哥哥在那個post提到我。可一不可再，我覺得有生之年，他應該不會再這樣公開地回顧這段短暫的感情了。感謝他提起我，非因他說了「對不起」，而是一切原來真的「有發生過」。他說得很對，他的確影響了我很多很多；其他的，我一直都知道。現在，再不需要什麼很表象的文字去交代什麼了。放心，我知道。（同時，我都知道，他寫那個post根本就不是要為誰交代什麼。）
順道看看xanga的舊entry，原來我在很多很多地方提及他，我竟然都一一忘記了。我很錯愕，我以為自己沒有怨恨，只會記得快樂的事，但原來我連自己早已放開都忘記得一乾二淨。彷彿從來沒有發生過的，只有我一個。
究竟我記得什麼，又不記得什麼，當下，一時間我自己也弄不清楚。對於這個陌生又熟悉的自己，恍如再次擁抱這個曾經愛過的人一樣。不過，我也沒有力氣和理由再去弄清這樣久遠的過去了。不如讓一切成為歷史吧。
【交替】或者有許多事情要成為了歷史，我才有勇氣面對。
個人網頁那邊，最終，在這一年下來，真的太少更新了。我不得不承認，有些東西終會消失、式微。我以前會以為，不更新就不更新，就讓它這樣子保留下來就行。
人變了，時代變了。就是xanga，也沒有幾年前的興盛了。（起碼在我的圈子如是。）本來，就有不少人從沒有加入xanga的圈子，在wordpress、blogspot等Blog service provider名正言順的以blogger身分發表文章。原來柴娃娃一起熱鬧起哄的朋友都投入facebook的懷抱，死守xanga的人就少之又少了。可幸是庫sir仍是xanga的忠實用家，叫我這弱小社群感到幾分安慰。
這時候，如果要搬blog，一下子我真的不知道可以搬去哪裡。或者，現時就xanga、facebook兩邊同步出post，facebook我就當它是mirror site吧。至於個人網頁，就如29當年在留言板結束時所說，「完成歷史任務」，一切一切，將會原封不動的保存下來，以茲紀念。
Comments (3)
係喎，kim而家都在facebook出post了!!! 本來都諗住在facebook留言，不過後來醒起comments字數有限制，所以都係過返來呢邊
re: icq/msn
其實我一向都鍾意icq多d架! 原因有二（曾經諗過寫番篇blog)：
1. 我唔鍾意msn彈多個window出來囉，如果同好多個人傾計，個tool bar就會擠滿哂d windows。(icq version我好似仲用梗2002版，舊icq比較穩定d，而且可以選擇用傳統模式，即要噤個list才有msg彈出來)
2. 可以random d無聊人同你傾下計，有時好無聊時可以打發時間。話時話我有d netfriend由1999/2000年識到而家，facebook都有add返，間中大家都會問候下大家，keep到咁耐都覺得好難得。
re: 個人網站 / cgi / xanga
我記得自己中五到已經有整網頁，都有寫diary，不過寫寫下就冇寫，因為那時咁update網頁好煩!
後來入左大學後，我有用cgi的diary。後來寫到yr.2到就開始用xanga，咁就用左幾年。全盛時期真係隔幾個鐘就到朋友有新entry，而我自己直情當xanga係我男朋友，當年有期經常通頂趕paper趕稿，唔開心發脾氣講粗口甚至喊都係打住xanga。我其實而家都仍然鍾意寫xanga，不過好少寫了，因為好似冇乜特別野好寫，太懶了。
re: 留言版
我果時都因為認識你同29，所以成日上去留言呢，哈哈。我其實識左好多你們6A的同學啊，e.g. tuggi、shirley、路人哥哥、英國的人(係咪即係”盧鴻”？我代課時見那位? 我好似記得我當年仲好低b咁同佢在newsgroup嗌交啊!!哈哈哈)、眺眺(好似讀社工的?你叫佢做眺眺爸爸)、gigi（果時我個網站有link去她的網站，哈哈）同埋兩位讀嶺南的同學仔等等。其實真的很多，雖然可能只係萍水相逢，不過我都會記得，果時大家讀預科時一d愉快的片段。:)
這裡有多個死守xanga + OD 不搬去facebook的人, 你在這裡不會孤單 =)
@tissuehk - 紙巾，見到你打咁多字回我，令人覺得好安慰！我都鍾意舊ICQ，的確係穩定ｄ。我個時最後係用ICQ Pro 2003b，之後個ｄICQ都係垃圾！我都有一個朋友，係99年ICQ識，會考之後斷左無聯絡，到前幾年佢搵返我，宜家不時都有約出黎見下面，我都覺得好難得！！！網頁……我有ｄ印象好似睇過你自己整的網頁，具體就唔記得了，印象很模糊啊～～我諗我xanga全盛個時一個post可以有1X個comment，真令人懷念。好記得成日睇到你出post呻下，記得你話自己無咩叻，係打字快，所以有咩都打晒係個xanga度！講起留言板，真係百感交集。由最初的6afamily，到我個留言板到曲終人散，好鬼唏噓。你記得既全部都岩，「英國的人」就係盧鴻，亦係你係景嶺見到果位。你係newsgroup同盧鴻嗌交？我唔知啊！！佢份人，你同佢講多幾句，自自然就忍唔到要同佢嗌起上來嫁啦！個時仲要年少氣盛，唔嘈就假啦！！我地係學校個個都成日同佢嘈嫁，嘈到慣lu，哈哈哈！
@Ki_StarrySky - yvonne，我睇到你有好多protected post，有咩唔好鬱住，打晒出黎，好似紙巾咁，應該好有用！！